ШҚО Полиция департаменті баспасөз қызметінің мәліметінше, жол-көлік оқиғасы Өскемен-Самар тасжолының екінші шақырымында болды, деп хабарлайды Buqara.kz сайтының тілшісі.

Toyota Carib маркалы көлігінің жүргізушісі тайғақ жолда рөлді басқара алмай, қарсы бағыттағы Lada Priora және Toyota Allphard көліктерімен соқтығысты. Нәтижесінде бір адам медициналық көмекке жүгінді. Қазір полиция оқиға орнында тергеу жүргізіп жатыр.