«Дәрмек» жедел алдын алу шарасы барысында ШҚО Полиция департаменті Есірткі қылмысына қарсы іс-қимыл басқармасының қызметкерлері ауданның 24 жастағы тұрғынының есірткі заттарын заңсыз сақтау және тұтыну фактісін анықтады, деп хабарлайды Buqara.kz сайтының тілшісі.

Күдіктінің үйі мен аула құрылыстарын жедел тінту кезінде есірткі тұтынуға арналған құрылғы, өсімдік тектес заты бар түйіншек, бетінде қабаты бар металл ыдыс, сондай-ақ өзіне тән ерекше иісі бар өсімдік массасы салынған капрон қап табылып, тәркіленді.

Сот сараптамасының қорытындысына сәйкес тәркіленген заттардың 6 келіден астам кептірілген марихуана және 17 грамм гашиш есірткі құралдары екені анықталы. Қазіргі уақытта сотқа дейінгі тергеу амалдары жүргізілуде.