Шымкентте өтіп жатқан халықаралық технологиялық форум аясында ҚР Жасанды интеллект және цифрлық даму вице-министрі Дмитрий Мун көрме аймағын аралау барысында Премьер-министрге Жасанды интеллекттің ұлттық платформасының жұмысын таныстырды, деп хабарлайды Buqara.kz сайтының тілшісі. 

Дмитрий Мун бұл біртұтас экожүйе суперкомпьютерлерге, үлкен тілдік модельдерге және 120-дан астам мемлекеттік деректер базасына қолжетімділікті біріктіре отырып, мемлекеттік секторда ЖИ-шешімдерін жасау мен енгізудің негізіне айналғанын атап өтті. Платформа процестерді жай ғана автоматтандырып қоймай, бүгінде азаматтар мен мемлекеттік аппараттың қажеттіліктері үшін 50-ден астам мамандандырылған ЖИ-агенттері жасалған өзіндік «фабрика» ретінде қызмет етеді.