Шаһарда орташа және қиыршық тасты жолдарды жөндеу жақын арада басталады, деп хабарлайды Buqara.kz сайтының тілшісі.

Шұңқырларды уақытша толтыру қалыпты жұмысқа айналған. Жүргізушілердің айтуынша, кейбір ауданда мұны асыра сілтеп жіберген. Оларды толтырғаннан кейін басқа шұңқырлар пайда болыпты. Мысалы, бұл Бажов көшесінің Назарбаев даңғылымен қиылысынан бастап Прохладнаяға дейінгі бөлігі.

– Ауа райының жылынуымен Өскеменнің барлық ауданында жол жөндеу қарқынды басталады. Биыл орташа жөндеу жұмыстарына 48 учаске, ал қиыршық тасты жөндеуге 70 учаске жоспарланған. Жұмыстар негізінен Әуезов және Назарбаев даңғылдары, Пермитин, Лихарев және Молдағұлова көшелері, Е.П. Славский жағалауы және басқа да негізгі көшелерде жүргізіледі, – деп хабарлады Өскемен әкімдігінің баспасөз қызметі. 

Дегенмен орташа жөндеу жұмыстарын барлық жерде бірден жүргізу мүмкін емес болғандықтан, кей аудандарда шұңқырларды жөндеу жоспарлануда.