4 сәуір сағат 08:00-14:00 аралығында қаланың бірнеше ауданында ауыл шаруашылығы жәрмеңкесі ұйымдастырылады, деп хабарлайды Buqara.kz сайтының тілшісі.

Қала тұрғындары мен қонақтарына ет (сиыр, жылқы, қой, шошқа), шұжық және сүт өнімдері, нан-тоқаш өнімдері, бал, өзге де тауар түрлері тиімді бағада ұсыналады. 

Жәрмеңкелер «Алтай» көтерме-бөлшек сауда орталығы (Жібек Жолы көшесі, 44), «Дос Нар» сауда үйі (Виноградов көшесі, 17а), «Керуен» сауда үйі (Оралхан Бөкей көшесі, 3) және Защита ауданындағы «Теміржолшылар» саябағының (Тынышпаев көшесі, 122) аумағында өтеді.