Полицияға жергілікті тұрғын хабарласып, белгісіз адамның пластик терезе арқылы үйіне кіріп, жалпы құны 500 мың теңге болатын әшекейлерді ұрлап кеткенін айтқан, деп хабарлайды Buqara.kz сайтының тілшісі.

Хабарлама түскен соң полиция қызметкерлері жедел түрде тексеру жүргізген. Үлкен Нарын ауданы аумағын шолып, куәгерлерден жауап алды. Жүргізілген шаралар нәтижесінде 1975 жылы туған ер адам күдікті ретінде қолға түсті. Ол бұрын сотталған екен. Тінту барысында оның тұрғылықты жерінен барлық ұрланған бұйым тәркіленіп, күдікті уақытша ұстау изоляторына қамалды.
Қазір оқиға бойынша тергеу амалдары жалғасуда.