Тінту кезінде сатушыдан темекі тұтынуға арналған бірнеше электронды жүйе табылды, деп хабарлайды Buqara.kz сайтының тілшісі. 

Риддер соты баспасөз қызметінің мәліметінше, сотталушы вейп сататын жерде ұсталды. Ол тауардың бір данасын сатып үлгерсе, қалған 77-ін полиция қызметкерлері тәркіледі. 
Осылайша, қала тұрғыны Қылмыстық Кодекстің 301-бабы 1-бөлігі (Шегілмейтін темекі бұйымдарын, электрондық тұтыну жүйелерін (вейптерді), оларға арналған хош иістендіргіштер мен сұйықтықтарды сату және тарату) бойынша кінәлі деп танылып, оған 20 АЕК (73 840 теңге) көлемінде айыппұл салынды.