Қала әкімі Думан Рахметқалиев әлеуметтік желідегі парақшасында жылыту маусымына дайындық кезеңі туралы ақпаратпен бөлісті, деп хабарлайды Buqara.kz сайтының тілшісі. 

Оның айтуынша, орталық ЖЭО-дан бөлек, қала тұрғындары үшін Тишинский қазандығының жұмысы реттелмек.
- Бүгінде «ЛТВК» ЖШС және «Казцинк» ЖШС-мен келіссөздер жүргізіліп, нәтижесінде Қазцинк ЖШС Тишинский қазандығына 5200 тонна көмір сатып алып жатырмыз. Жалғыз мәселе - құжаттамаларды пысықтап, қазандықты халық игілігіне беруге даярлық. Аталған компаниялар осы мәселені дер кезінде шешеді деген үміттеміз. Айтпағым, қала тұрғындары биыл жылусыз қалмайды, - деді Думан Рахметқалиев.
Сондай-ақ қала орталығындағы Тишинский қазағындығын мемлекет теңгеріміне өткізу жоспарланған, алайда бұл мәселе де біраз уақытты алмақ.