Қазан айының 18-і күні кешкісін концерт, сенбі күні жәрмеңке мен түрлі жарыстар ұйымдастырылады, деп хабарлайды Buqara.kz сайтының тілшісі.

Шара «Туған жер-алтын бесігім» жобасы аясында «Ертіс концерт» мекемесінің филармония залында өтеді. Ұйымдастырушылар Риддер қаласы шығармашылық ұжымдарының Гала концерті қызыққа толы өтеіндігін айтып жатыр.
– Кеш аясында Риддер қаласының халық шығармашылығы көрмесі өтеді. 19-шы қазанда сағат 7.00-де Жібек жолы даңғылы, 44 мекен-жайында орналасқан Шығыс – Алтай сауда орталығы алаңында Риддер қаласының ауылшаруашылығы өнімдерінің жәрмеңкесі, қол күрес, арқан тарту, гір көтеруден сайыстар мен көркем өнерпаздар концертін тамашалай аласыздар, – делінген ақпаратта.
Мәдени шара мұнымен шектелмейді. Сағат 11.00-де Ольга Рыпакова атындағы жеңіл атлетика манежінде садақ атудан Риддер қаласы әкімінің кубогы өтеді. Жүлде қоры - 600 000 теңге.