Әкімшілік құқық бұзушылық істері жөніндегі мамандандырылған сотында тәртіп бұзушыға қатысты іс қаралды, деп хабарлайды Buqara.kz сайтының тілшісі. 

Оқиға Риддер қаласындағы Гоголь көшесінде болды. Көлік жүргізушісін полиция қызметкерлері тоқтатқан. Әйелдің мас күйде көлік тізгіндегені байқалған, алайда ол медициналық тексеруден өтуден бас тартты.
- Сотта әйел кінәсін мойындап, рөлге отырмай тұрып алкогольдік ішімдік ішкенін жасырмады, - делінген сот мәліметінде. 
Қала тұрғыны ҚР ӘҚБтК-нің 613-бабы бойынша кінәлі деп танылып, 8 жылға көлік құралдарын басқару құқығынан айырылды.
Қаулы заңды күшіне енген жоқ.