Бұл туралы қала әкімі Думан Рахметқалиев Өскеменде өткен жиында мәлімдеді, деп хабарлайды Buqara.kz сайтының тілшісі.

Оның айтуынша, биыл қалада бір ауысымда 500 адам қабылдай алатын емхана мен 200 төсек-орынға арналған стационар пайдалануға берілген. Жаңа медициналық нысандар заманауи құрал-жабдықтармен толық жабдықталған.
– Жаңа емхана мен стационар заманауи медициналық жабдықтармен қамтамасыз етілген. Соның арқасында тұрғындар компьютерлік томография және ультрадыбыстық зерттеулерден өту үшін облыс орталығына бармай-ақ, қажетті қызметтерді Риддер қаласында ала алады, – деді ол.
Сонымен қатар қаладағы денсаулық сақтау саласындағы негізгі мәселелердің бірі – кадр тапшылығы болып отыр. Қазір медициналық мекемелерде тоғыз дәрігер жетіспейтін көрінеді. Атап айтқанда, жалпы тәжірибелік дәрігер, кардиолог, реаниматолог, екі акушер-гинеколог, лор дәрігері, дерматовенеролог, фтизиатр және балалар невропатологы мамандарына сұраныс бар.
Қала әкімі мәліметінше, жыл басынан бері Риддерге төрт дәрігер келгенімен, сегіз маман басқа жаққа кеткен.