Өскемен қаласының тұрғындары референдум кезіндегі өз сайлау учаскесін телеграм-бот арқылы біле алады, деп хабарлайды Buqara.kz сайтының тілшісі. 

АЭС салуға қатысты 6 қазанда өтетін референдум кезінде өз сайлау учаскесін білгісі келген қала тұрғындары @vote_vko_bot телеграм-ботына жаза алады. Сондай-ақ 109 бірыңғай байланыс орталығына хабарласып немесе @digital East қосымшасы арқылы тіркелу мекенжайы бойынша сайлау учаскесін анықтауға болады. 

- Бот жеделхатында немесе қосымшада өз деректері болмаған жағдайда 8 (7232) 266536 телефон нөмірі бойынша хабарласуларыңызды сұраймыз. Call-орталықтың бұл нөмірі ашық және сайлау процесіне, дауыс беру рәсіміне және сайлау учаскелерінің жұмысына қатысты заңнамалық нормалар туралы ақпарат алуға мүмкіндік береді, - деп хабарлады қала әкімдігінен.