22 қазан күні ШҚО мәдениет басқармасының Шығыс Қазақстан лингвистикалық орталығының мұрындығымен "Менің республикам" тақырыбында семинар-сабақ өтті, деп хабарлайды Buqara.kz сайтының тілшісі. 

Аталған іс-шара ҚР БП Құқықтық статистика және арнайы есепке алу жөніндегі комитетінің ШҚО бойынша департаментінде ұйымдастырылды. Сондай-ақ оған ШҚО сотының мемлекеттік тілге жауапты маманы Асылжан Әділмұратова мен ШҚО Полиция департаменті ақпараттық саясат бөлімінің бас маманы Жанар Өтебаева қатысты. 

Шығыс Қазақстан лингвистикалық орталығының директоры Әсемгүл Абзалова құттықтау сөз сөйлеп, қатысушыларға жылы лебізін білдірді. Семинар барысында Республика күнінің тарихы мен маңызы ерекше аталып өтілді.