Сәрсен Аманжолов атындағы Шығыс Қазақстан мемлекеттік университетінің базасында 2017 жылдың 12 желтоқсанында облыстың 85-жылдығына арналған «Өлкетану орталығы» Халықаралық ғылыми-тәжірибелік конференция өтеді.

Біздің облыс 1932 жылдың 20 ақпанында құрылған. Орталығы Семей қаласы болды. Ал 1939 жылы облыстың құрамынан Семей облысы бқлініп шығып, орталық Өскемен қаласына ауысады. 1997 жылы бұл аумақ облыстың құрамына қайта қосылады. Оқу барысында аймақтың тарихы толық сипатталған жылнама таныстырылады.

Облыстың тарихи-мәдени әлеуеті, өлкетану саласының тарихы, экскурсиялық-туристік қызмет, ЖОО мен мектептерде өлкетанудан сабақ беру, тарихи ескерткіштерді зерттеу және сақтау бойынша тақырыптар талқыланады.

Конференцияға Қазақстан мен іргелес елдердің тарихшылары мен өлкетанушылары қатысады.

Ұйымдастырушылары: Мәдениет басқармасы, Шығыс Қазақстан облысының құжаттамасы мен мұрағаттары, Облыстық Мемлекеттік мұрағат және С.Аманжолов атындағы Шығыс Қазақстан мемлекеттік университеті.

Шығыс Қазақстан облысының 85-жылдығына арналған «Өлкетану орталығы» ғылыми-тәжірибелік конференциясы «Рухани жаңғыру» қоғамдық сананы жаңғырту бағдарламасының «Шығыс Қазақстанның өркениет феномені» жобасының бөлігі болып табылады.