Оңтүстік Каспий циклоны бүгін де республиканың көп бөлігіне өз әсерін тигізуінен құбылмалы ауа райы сақталады, деп хабарлайды Buqara.kz сайтының тілшісі Қазгидрометке сілтеме жасап.

Елдің солтүстігінде, солтүстік-шығысында және шығысында нөсер жаңбыр жауады. Тек оңтүстік-батыс пен батыста күн ашық.

Республиканың кей жерлерінде дауыл тұрып, бұршақ жауып, оңтүстік пен оңтүстік-батысында шаңды дауыл тұрады деп күтіледі.

Солтүстік Қазақстан облысының кей жерлерінде дауыл тұрып, бұршақ жауады, желдің жылдамдығы 15-20, екпіні 23-28 м/с-қа жетеді деп болжануда.

Шығыс Қазақстан облысының кей жерлерінде дауыл болып, жел екпіні 23-28 м/с дейін күшейіп, күндіз бұршақ түсуі ықтимал.