Бүгін республика бойынша тұман, көктайғақ болады, жел күшейеді. Солтүстікте, шығыста, орталықта бұрқасын, оңтүстік-батыста шаңды дауыл соғады, деп хабарлайды Buqara.kz сайтының тілшісі «Қазгидрометке» сілтеме жасап.

Солтүстік Қазақстан облысының оңтүстігінде, солтүстігінде бұрқасын, көктайғақ күтіледі, жел 15-20, екпіні 23-28 м/с-қа жетеді.

Павлодар облысының батысында, солтүстігінде, оңтүстігінде бұрқасын, көктайғақ, желдің күшеюі 15-20, облыстың батысында, солтүстігінде, оңтүстігінде екпіні 23-28 м/с, кейде 30 м/с және одан да көп болады деп күтілуде.

Шығыс Қазақстан облысының солтүстігінде, батысында жаяу бұрқасын, көктайғақ, солтүстік пен батысында желдің күшеюі 15-20, екпіні 23-28 м/с-қа жетеді деп күтіледі.