Риддер әкімі Дәулет Батырбаев қаланы аралап, үйлердің ыстық сумен қамтылуын қадағалап жүр, деп хабарлайды Buqara.kz сайтының тілшісі.
Жауапты тұлға бірнеше мекенжайға барды. Үйлерге барып, тұрғындармен кездесті. Айтуынша, барлығы кезең-кезеңімен жалғасады.
- Бүгін қыркүйек айының 30-ы. 4-ші шағын аудан, 6а мекенжайына бардық. Ыстық су берілуге шақ. Жалпы, барлық үй ыстық сумен қамтылады. Кешкісін тағы тескеріп шығамыз, - деді қала басшысы.
Аталған үйдің жетекшісі Галина Кисилева да мұны растап, ескірген құбырлар қалыпқа келтірілсе, барлығы ойдағыдай екенін жеткізді.
Бұдан бөлек, жауапты тұлғалар тағы бірнеше мекенжайға барып, жұмыс барысымен танысты.