Бірінші Президент Күнінде Шығыс Қазақстан облысы Зырян ауданының Серебрянск қаласында «Берік» жекеменшік балабақшасының салтанатты ашылуы өтті.

Айта кетсек, балабақша «Берик К» компаниясының арқасында салынып отыр. Бұл компанияның басшысы — Венера Мусина.

Жаңа балабақшаның ашылуы қала үшін маңызды оқиға болды. 34 қызметкер жаңа жұмыс орнына ие болды. Балабақшада 120 орынды 4 топ жұмыс істейді. Олар 1,5 жастан 5 жасқа дейінгі балаларды қабылдайды. Түнгі уақытта жұмыс істейтін ықшам аудан тұрғындарының қалауына байланысты алдағы уақытта тәулік бойы жұмыс істейтін топ ашу жоспарда бар.

Бүлдіршіндерге жайлы жағдай жасалған: ыңғайлы топ бқлмелері, балалар жиһаздарының ерекше конструкциясы, алуан түрлі ойын және дидактикалық материалдар.

Ата-аналар төлемінің көлемі 11600 теңгені құрайды.

Балабақшаны Қазақ ССР еңбек сіңірген ұстазы — Туембаева Александра Накасымовна салтанатты түрде ашты.