Облыс орталығының тұрғындарына еңбек демалысы кезінде өзіне тиесілі қаруды полицияға уақытша тапсырып кету ұсынылды, деп хабарлайды Бұқара.кз сайтының тілшісі.
Ішкі істер органдарының аумақтық бөлімшелері қаруды уақытша сақтауға дайын.
- Оқ ататын қаруы бар тұрғындардан еңбек демалысы уақытында демалысқа, саяжайға, іссапарға немесе емделуге кетсе, қаруларын ішкі істер органдарының аумақтық бөлімшелеріне уақытша сақтауға тапсырып кетулерін сұраймыз. Бұған сәйкесінше құжаттар ресімделеді, - деп хабарлады Өскемен қаласы ІІБ баспасөз қызметі.
Сақтау уақыты шектелмейді.
Барлық сұрақтар бойынша Қабанбай батыр көшесі, 152 үй, №101, 102 кабинет (телефондары: 23-27-16, 23-27-86) мекенжайындағы Өскемен қаласының ІІБ бөліміне, Стаханов көшесі, 2 үй (телефондары: 23-20-53) мекенжайындағы Үлбі немесе Өтепов көшесі, 2а (телефондары: 23-22-30) мекенжайында орналасқан Солжағалау полиция бөлімшелеріне хабарласуға болады.
Азамат ТЕМІРБЕКОВ