Өскеменде көпқабатты үйден өрт шықты

550
көрілім

Үйдің бесінші қабатындағы пәтердің бірі өртенді, деп хабарлайды Buqara.kz сайтының тілшісі

ШҚО Төтенше жағдайлар департаменті баспасөз қызметінің мәліметінше, өрт бесінші қабаттағы пәтерден шыққан. Жалпы алаңы 4 шаршы метр аумақта жиһаз бен тоңазытқыш жанып кеткен.

– Өрт сөндірушілер дереу оқиға орнына жетті. Ыс тиген көрші пәтердегі екі адам қауіпсіз жерге жеткізіліп, қалған пәтер тұрғындары өз еркімен алаңға шыққан, – деп атап өтті Төтенше жағдайлар департаменті.

Түтін басқан подъездегі пәтерлердің бірінде мүмкіндігі шектеулі әйел болған. Оны медицина қызметкерлері тексеріп, денсаулығы тұрақты екендігін анықтады.

 Өрттің шығу себебі анықталуда.