21 маусымнан бастап Алакөл аймағында орналасқан "Дружба" станциясына Өскеменнен, ал 23 маусымнан бастап Семейден пойыз жүре бастайды.

Бес вагоннан тұратын пойыз төрт күнде бір рет қатынамақ. Облыс орталығынан сағат 16.29-да аттанатын пойыз жолда 16 сағат жүреді.

- Семейден шығатын №161 пойызы Өскемен қаласынан шығатын пойызбен бір уақытта шығып Шар қаласында кездеседі, - дейді Өскемен-1 станциясының вокзал басшысы Елена Ларионова. - Бір составқа біріктірілген олар Ақтоғайда №641 пойызға жалғанып Жалаңашкөлдегі "Дружба" станциясына дейін жеткізіледі.

Билеттерді алдын ала сату 15 маусымда басталды. Өскеменнен Жалаңашкөлге дейінгі плацкарт вагонының билеті — 2864 теңгені құрайды.

Азамат ТЕМІРБЕКОВ