Риддерліктер еліміздің басты ұлттық мерекесі Тәуелсіздіктің 28 жылдығына арналған барлық іс-шараларға белсенді қатысып, жаппай атап өтуде, деп хабарлайды Buqara.kz сайтының тілшісі.
6 желтоқсан күні қалалық Мәдениет сарайында жыл сайынғы «Жас дарын» жас орындаушылар байқауы болып өтті. Қала кітапханаларында «Тәуелсіздік туы астында» атты көрмелер орнатылған, білім беру ұйымдарында 9 желтоқсаннан бастап Тәуелсіздік күніне арналған онкүндік өтіп жатыр. Онкүндік аясында мектепте тек оқушылар ғана емес, ата-аналардың да белсенді қатысуымен салтанатты жиын, «Гүлден менің Қазақстаным!» атты сынып сағаттары, флешмобтар, спорттық жарыстар мен концерттік бағдарламалар өткізілуде. 9 желтоқсаннан бастап Өлкетану мұражайында «Тұңғыш Президент Лейногорск-Риддер қаласында» фотокөрмесі ашылған. Онда Елбасы Нұрсұлтан Назарбаевтың кеншілер қаласына келіп, тұрғындармен кездесуі бейнеленген. Тұрғындар бұл тарихи күнді әлі де сағынышпен еске алады.
Әдеби және тарихи панорамалар, интерактивті сағаттар, мерекелік және патриоттық ертеңгіліктер мен кештерге, әртүрлі спорттық сайыстарға әр жастағы қала тұрғындары қатысады.
12 желтоқсанда Мәдениет сарайында Тәуелсіздік күніне арналған салтанатты жиын өтті. Оған барлық меншік нысандарындағы еңбек ұжымдарының, саяси партиялардың филиалдары, діни бірлестіктер, жастар және БАҚ өкілдері қатысты.
Азаматтарды қала әкімінің міндетін атқарушы Данияр Дүйсембаев құттықтады.
- Бүгінде біздің еліміз - халыққа қызмет ететін мемлекет. Қазақстан өзін толерантты, зайырлы және демократиялық мемлекет ретінде көрсетті. Біз тәуелсіз, күшті және өркендеген елдің азаматтары екенімізді мақтан тұтамыз! - дейді Д.Дюсембаев.
Қалалық мәслихат депутаттарының атынан мәслихат хатшысы Игорь Панченконы жерлестерін шын жүректен құттықтады. Жастар ресурстық орталығының директоры Женя Донцова тиімді мемлекеттік жастар саясатын жүзеге асыру туралы айтып, Жастар жылында Риддерде қала жастарының әлеуметтік мәселелерін шешуге бағытталған көптеген іс-шаралар ұйымдастырылып, өткізілгенін атап өтті. Биыл қалалық бюджеттен 16 миллионнан астам қаражат бөлінді, сонымен қатар Жастар жылына «Риддер Барысы», «Dragracing 2019» автожарысы және т.б іс-шараларға 2 миллион 69 мын теңге көлемінде қосымша қаржы бөлінген.
- Біз, Қазақстан жастары, Отанымыз - Тәуелсіз Қазақстан Республикасының жетістіктері эстафетасын жалғастырамыз! Біздің алдымызда - жаңа жетістіктер мен жаңа жеңістер тұр! Еліміздің болашағы - жастардың қолында! - деді Евгения Донцова.
Қаланың әлеуметтік-экономикалық дамуына елеулі үлес қосқан оқырмандарға дипломдар мен Алғыс хаттар табысталды. Марапатталғандардың ішінде: Ирина Дергачева, көпбалалы ана, мұғалімдер, әлеуметтік және коммуналдық қызметкерлер мен құқық қорғау органдарының өкілдері бар.
Салтанатты жиын Мәдениет сарайының үздік солистері мен өнерпаздардың мерекелік концертімен аяқталды.
Халықтар достығы үйінде «Қымбатты Отанымыздың Тәуелсіздігі!» атты дөңгелек үстел форматында кездесу өтіп, қаланың этномәдени бірлестіктерінің жетекшілері мен мүшелері ғана емес, сонымен қатар қоғам және мемлекеттік органдардың өкілдері де қатысты.
Жастардың үздік өкілдері Тәуелсіздік күні қарсаңында өтетін «Риддер жастары-2019» жыл сайынғы қала әкімінің сыйлығымен марапатталады. Сондай-ақ осы жылы «Үздік жас кәсіпкер!», «Үздік жастар ұйымы» және «Үздік жас мәдениет қызметкері» номинациялары берілді.
Айта кетейік, 16 желтоқсан күні қала тұрғындары мерекелік отшашу тамашалайды.
