Өткен демалыс күндері Семейде көпқабатты үйлердің бірінен өрт шықты, деп хабарлайды Buqara.kz сайтының тілшісі.

Төтенше жағдай департаментінің мәліметінше, өрт бес қабатты үйдің екінші қабатында басталған.
– Кейін тілсіз жау үйдің балконымен жоғарғы қабатқа жайылды. Өртті сөндіруге алты техника жұмылдырылған. Жалын шарпыған жалпы аумақ 10 шаршы метрді құрады, – делінген мәліметте. – Ажал құшып, зардап шеккендер жоқ.
Департамент өкілдері өрттің шығу себебін отты абайсыз қолданумен байланыстырды.