2018 жылдың басынан бері Шығыс Қазақстан облысында 69 лауазымды тұлғаның сыбайлас жемқорлыққа барғандығы анықталды, деп хабарлайды Бұқара.кз сайтының тілшісі.

– Өңірімізде биылғы жылдың қаңтар айынан бастап сыбайлас жемқорлыққа барғаны үшін 40 адам қылмыстық жауапкершілікке тартылған, – дейді Сыбайлас жемқорлыққа қарсы іс-қимыл ұлттық бюросының Шығыс Қазақстан облысы бойынша департаментінің басшысы Сергей Потанин, – Бұл көрсеткіш бойынша біздің облыс республикада ең алдыңғы қатарда.

Бармақ басты, көз қыстыға барған шенеуніктер мемлекетке 240 миллион теңгеден астам материалдық шығын келтірген. Бүгінгі таңда бұл соманың 70 миллионы қайтарылыпты.