Ел аумағының басым бөлігі әлі де Солтүстік антициклон жотасының ықпалында болады және аязды ауа райы сақталады, деп хабарлайды Buqara.kz сайтының тілшісі Қазгидрометке сілтеме жасап.
Тек республиканың солтүстік-батысында, батысында, оңтүстік-шығысында және оңтүстігінде түнде атмосфералық фронталды бөліктердің өтуіне байланысты қар жауады.
Синоптиктер болжамынша, республиканың кей жерлерінде жел күшейіп, батысында – көктайғақ болып, жаяу бұрқасын күтіледі.
Шығыс Қазақстан, Алматы, Жамбыл, Түркістан, Атырау, Қостанай, Павлодар облыстарының кей жерлерінде тұман түсіп, Атырау облысының кей жерлерінде көктайғақ күтіледі.