Жарты айдан соң қала трамвайлары жөнделмек. Қазіргі уақытта бұл жұмысты қолға алатын мердігерді анықтау үшін байқау шаралары жүргізілуде, деп хабарлайды Бұқара.кз сайтының тілшісі.

«Өскемен Көлік Компаниясы» ЖШС-нің басшысы Михаил Чайканың сөзінше, он шақты ескі вагондардың қайта жөнделуіне байланысты жағдай ұзаққа созылды.
– Байқау шаралары өтті. Бірақ өтініштер кері қайтарылып, қайта байқау жарияланды. Нәтижесі он күнде белгілі болады. Тағы он күн жұмыс көлемімен танысуға беріледі. Сондықтан жөндеу жұмыстары жарты айдан соң басталмақ.