Өскемен тұрғыны отқа оранған үйде қалған көршілерін құтқарды

180
көрілім
Шартты фотосурет

Өскемен қаласының тұрғыны өртенген үйден көршілерін құтқарды, деп хабарлайды Buqara.kz сайтының тілшісі.

Қалалық Төтенше жағдайлар басқармасы баспасөз қызметінің мәліметіне сүйенсек, 29 сәуір күні таңғы сағат 06.51-де Речная көшесіндегі көпқабатты үйде өрт шыққан. 1974 жылғы үй иесі түтін иісінен оянып кетіп, әйелі мен 2 баласын тұрғызып балконға беттейді. Содан кейін ол көршісіне қоңырау шалып көмек сұраған.

– Лезде көмекке ұмтылған Александру Тихобаев 2-ші қабаттағы балконға балпалдақ қойып бірінші 2014 және 2013 жылы туған қыз балаларды түсіреді. Содан кейін оқиға орнына келіп жеткен өрт сөндірушілер үшиінді саты орнатып, олардың әке-шешелеріне көмектескен. Көп ұзамай жалпы аумағы 6 шаршы метрді құраған қызыл жалын ауыздықталды, - деп хабарлады ведомство өкілдері.

Жүргізуші болып жұмыс істейтін Александру Тихобаевтың айтуынша, кез келген адам оның орнында болса көмекке келетін еді. Өрттің шығу себебі – электр жабдықтарын орнату және техникалық пайдалану ережелерін бұзудан немесе отты абайсыз пайдаланудан болуы мүмкін.