Жуықта өңір бойынша Денсаулық сақтау саласына жүргізілген тексерістер тәмамдалды. Соның аясында 15 жемқорлық тәуекелі анықталған, деп хабарлайды Buqara.kz сайтының тілшісі.
ҚР Сыбайлас жемқорлыққа қарсы іс-қимыл Агенттігінің ШҚО бойынша Департаменті басшылығының мәліметінше, медициналық қызмет түрлерінің сапасына кері әсер беретін фактілер тіркелді. Айталық, әлеуметтік мекемелерге ішкі анализдер жүргізу кезінде ескірген жабдықтардың жаңа деп қолдану жағдайлары анықталды.
– Мұндай жайт Өскемендегі Ана мен бала орталығында болды. Медициналық құрал-жабдықтар біршама ескірсе де, науқастарға солар арқылы қызмет көрсетілді. Сыбайлас жемқорлық тәуекелдерін болдырмас үшін облыстық Денсаулық сақтау басқармасына сатып алу бағасын дұрыстап бекітіп, рет-ретімен қадам жасау туралы ұсыным білдірдік. Медицинаға қажет жабдықтардың уақтылы жеткізілуін бақылау үшін тоқсан сайын мониторинг жүргізіліп тұрады, – деді Департамент басшысы Денис Шакенов.

Әділхан ЕСІМХАНОВ