Бұл туралы Өңірлік коммуникациялар орталығында өткен жиын кезінде айтылды, деп хабарлайды Buqara.kz сайтының тілшісі.

Анықталғандай, мемлекеттік сатып алудағы «бірыңғай терезе» порталы аясында Антикор өкілдері 702 млн теңгені үнемдеген.

– Мәселен, «Өркен» Шығыс Қазақстан өңірлік ғылыми-әдістемелік білім беру орталығы биыл 303 млн теңгеге байқау жариялады. Облыстық Білім басқармасына қарасты мекемеге интернетке қосылу қажеттілігі туындады. Кейінірек мемлекеттік сатып алу конкурсы қайта қаралып, 300 млн теңге үнемделді, – деді ҚР Сыбайлас жемқорлыққа қарсы іс-қимыл Агенттігінің ШҚО бойынша Департаменті басшысы Денис Шакенов.

Қызығы сол, 3 млн теңгенің қызметі 300 млн теңгеге артық етіп көрсетілген. Осы фактіге сәйкес Білім басқармасына тиісті хат жолданды.

Әділхан ЕСІМХАНОВ