Ел аумағының басым бөлігінде атмосфералық фронталды бөліктердің өтуіне байланысты ауа райы құбылмалы болады, деп хабарлайды Buqara.kz сайтының тілшісі Қазгидрометке сілтеме жасап.
Мамандар болжамынша, республика өңірлерінде жаңбыр, қар жауады. Тек оңтүстік-шығыс, орталық және солтүстік-шығысында ғана антициклон жотасының әсерінен күн жауын-шашынсыз болады. Кей жерлерде тұман түсіп, көктайғақ болып, жаяу бұрқасын соғады.
Шығыс Қазақстан, Жамбыл, Қарағанды және Атырау облыстарының кей жерлерінде тұман түсіп, ШҚО-ның кей жерлерінде жел 15-20 м/с жылдамдықпен соғады.
