Өскеменде өткен жиында аудан әкімі Эльдар Тұмашинов ауданда туризмді дамыту туралы жоспарларымен бөлісті, деп хабарлайды Buqara.kz сайтының тілшісі.
Жауапты тұлғаның сөзінше, әкімдік «Таулы Үлбі – «Алтай Альпісі» ТШК» туристік бағытын дамыту тұжырымдамасын әзірледі. Мемлекет пен бизнес жоспарлы түрде бірнеше жыл ішінде бәсекеге қабілетті туристік бағыт құрылмақ. Көру алаңы, кемпинг-аймақ, жәрмеңке аймағы бар сауда орындары, велосипедті жалға алу, жағажай аймағы, балалар алаңы бар аллеяны, сондай-ақ SPA-орталық, қонақ үйлер, жабық бассейн, футбол алаңын орнатып, «The Forest» мейрамханасы орналасқан жерде жылдам тамақтану пунктін салу жоспарда бар. Туристердің көптеп келуі үшін «Алтай Альпісі» тау-шаңғы курортында мейманхана, жылы беседкалар, ілмек көтергішті арқан жолдар және бэби-лифт салу жоспарланып отыр.
- Туризмді тартымды және танымал ету мақсатында бірқатар іс-шара қарастырылған. Бұл ауданымызға туристер санын көбірек тартуға мүмкіндік береді. Осындай шаралардың бірі ретінде өткен демалыста өткен ски-кросс және сноуборд-кросс бойынша әуесқойлар арасында ашық біріншілік. Жарысқа қатысушылар мен қонақтар оң пікірін білдірді, - деді аудан басшысы.