Қала тұрғындары мен қонақтары түрлі концерттерге, көрмелер мен спорттық сайыстарға қатыса алады, деп хабарлайды Buqara.kz сайтының тілшісі.

14 наурыздан 23 наурыз аралығында«Ұлттық киім күні» челленджі өткізіледі. Сондай-ақ 14 наурыз күні «Premier» караоке клубында «OSKEMEN STARS» караоке байқауы ұйымдастырылады. Басталуы: 19:00-де.

16 наурыз, сағат 10:00 - Жекпе-жек сарайында қазақ күресінен қалалық турнир басталады.

17 наурыз күні сағат 13:00-де Комендантка өзенінде «Наурыз FEST» жастар фестивалі өтеді.

21 наурыз, сағат 19:00-де Неке сарайында «Nauryz quiz» зияткерлік сайысы ұйымдастырылады.

22 наурыз күні Республика алаңында:

10:00-14:00 аралығында қала өнерпаздарының қатысуымен мерекелік концерт өтеді. Шара қонағы – қазақ эстрадасының жұлдызы Ұланғасыр Қамиев. Сондай-ақ концертте Мұтұрғановтардың «Шапито» циркі өнер көрсетеді. Караоке мен «Бауырсақ кеші» сайысы ұйымдастырылып, «Үздік киіз үй» байқауының жеңімпаздары марапатталады.
19:00-22:00 аралығында өнер жұлдыздары Kalifarniya мен Нұргүл Мыңғатованың қатысуымен концерт өтеді.

Қымбат МУХАМАДИЕВА