Облыстық орман шаруашылығы және жануарлар дүниесі аумақтық инспекциясы жыл басынан бері өңірімізде балық ресурстарын қорғау заңдылығын бұзған 304 факті анықтады. Заңсыз ауланған 7 тоннадан астам балық тәркіленіп, 284 адамға 4 миллион теңгеге жуық айыппұл салынды, деп хабарлайды Бұқара.кз сайтының тілшісі.

Сонымен қатар, Зайсан және Көкпекті аудандарының тұрғындары болып келетін 6 адамға қатысты 4 қылмыстық іс қозғалды. Инспекция басшылығының мәлімдеуінше, келтірілген шығын 1 миллион теңгеден асып жығылған.

Естеріңізде болса, біз бұған дейін балық уылдырық шашатын 10 сәуір-10 маусым аралығында Зайсан, Алакөл, Сасықкөл көлдері мен Аягөз өзенінде, Бұқтырма, Шүлбі және Өскемен суқоймаларында балық аулауға тыйым салынатыны жөнінде хабарлаған болатынбыз.

Азамат ТЕМІРБЕКОВ