ШҚО әкімдігі және облыстық Білім басқармасының ұйымдастыруымен «Өрле, Қазақстан!» балалар мен жастардың музыкалық оркестрлері мен ансамбльдерінің шеруі өтті, деп хабарлайды Бұқара.кз сайтының тілшісі.

Өскемен қаласындағы Республика алаңында 1 маусым - балаларды қорғау күніне орай облысымыздың түкпір-түкпірінен 5000-ға жуық музыкалық оркестрлер мен ансамбльдердің шәкірттері салтанатты шеру өткізді.

– Балалар қуанышы салтанат құрған мереке баршамызға құтты болсын! Бала – көңілдің гүлі, көздің нұры демекші, халқымыз саналы ғұмырында салиқалы ұрпақ тәрбиелеуге тырысқан. Бүгінгі бала – ертеңгі жас маман, еліміздің болашағы. Барлық балақайларға көңілді де пайдалы демалыс тілеймін, – деді ШҚО әкімінің орынбасары Әсем Нүсіпова.

Ботакөз КЕНЖЕХАНОВА