Жыл сайын Дүниежүзілік жабайы табиғат қоры (WWF) мен Қазақстан Республикасы Экология және табиғи ресурстар министрлігінің аясында Қазақстанда 2009 жылдан бастап «Жер сағаты» Дүниежүзілік экологиялық акциясы (бұдан әрі – Акция) өткізіледі, деп хабарлайды Buqara.kz сайтының тілшісі.

Акцияның мақсаты – планетаның қоршаған ортасы мен табиғи ресурстарына жауапкершілікпен және ұқыптылықпен қарау, сондай-ақ өскелең ұрпақтың экологиялық ағарту ісі мен тәрбиесін арттыру болып саналады.
Бұл іс-шара 2007 жылдан бері өткізіліп келеді, оған әлемнің 190-нан астам елі қатысады.
2024 жылы Қазақстан акцияға 15-ші рет қосылады, ол осы жылдың 23 наурызында жергілікті уақыт бойынша сағат 20:30-дан 21:30 аралығында өткізіледі.
Осы уақытта көрнекті мәдени және әлеуметтік нысандардың, саябақтардың, аллеялардың, қоғамдық демалыс орындарының жарық шамдары өшіріледі. Әртүрлі салалық кәсіпорындар мен шаруашылық серіктестіктер өнеркәсіптік алаңдарда электр қуатын өшіріп, бей-жай қарамайтын азаматтар тұрғын үйлерде, кеңселерде және басқа да орындарда жарықты өшіру арқылы акцияға қосылады.
- Ең ауқымды экологиялық акцияға қосылыңыз! Жер сағатына үлесіңді қос! - делінген мәліметте.