Қанша күн демаламыз?

12
көрілім

Желтоқсан айында қазақстандықтар екі мемлекеттік мерекені атап өтіп, Жаңа жылды қарсы алады. Айтулы күндердің барлығын қосқанда алдағы айда 13 демалыс күні болмақ, деп хабарлайды газет тілшісі Tengrinews.kz сайтына сілтеме жасап.

1 желтоқсан күні Қазақстанда Тұңғыш Президент күні аталып өтіледі. Мереке аптаның сенбісіне дөп келетіндіктен бес күндік жұмыс аптасымен жұмыс істейтін қазақстандықтар үшін 3 желтоқсан, яғни дүйсенбі күні демалыс болмақ.

16 желтоқсан — Қазақстанның Тәуелсіздік күні. Мереке дәстүрлі түрде екі күнге созылады. Алайда 16 желтоқсан жексенбіге тұспа-тұс келетіндіктен демалыс күндерін қоса есептегенде мерекелік күндер 15-нен 18 желтоқсанды қоса алғандағы күндермен тең болады.

Бұдан бөлек, Жаңажылдық мерекелер ұзағырақ болуы үшін қазақстандықтарға жылдың соңғы сенбісін, яғни 29 желтоқсанды жұмыс күні ретінде белгілеп, дүйсенбі, 31 желтоқсан – демалыс күні болып белгіленді.

Азамат ТЕМІРБЕКОВ