Өрт таулы жерден басталған. Алдын ала болжам бойынша, тілсіз жау шарпыған аумақ 20 гектарды құрайды, деп хабарлайды Бұқара.кз сайтының тілшісі.

Рахман орман шаруашылығының Берел филиалында құрғақ шөп пен бұта-қараған өртеніп кеткен. Жалын ошағы бірнеше жерден байқалды.

– Жанып жатқан аумақтарға адам аяғы баспайды. Жолдың қиындығымен қатар байланыс жоқ. «Қазәуеорманкүзеттің» берген мәліметінше аумақ – 20 гектарды құрайды, – деп мәлімдеді баспасөз қызметі.

Қауіпті аймақта ұлттық парктің қызметкерлері мен «Қазәуеорманкүзеттің» мамандары өз күштерімен күресуде. ТЖД қызметі әзірге жұмылдырылған жоқ.