Бұл туралы еліміздің бокс федерациясының әлеуметтік желідегі парақшасында жазылды, деп хабарлайды Buqara.kz сайтының тілшісі.

Құраманың бас бапкері Қайрат Сатжановтың айтуынша, басты себеп – республика аумағындағы төтенше жағдай режимі.

– Елдегі төтенше жағдайға байланысты жоспарланған оқу-жаттығу жиындарын кейінге қалдырдық. Нақтырақ айтсам, жиын ақпан айына шегерілді, – деді аягөздік бапкер. – Тағы бір тоқталарлығы, 20 қаңтар күні Ташкент қаласында жалауын көтеретін 22 жасқа дейінгі боксшылар арасындағы Азия біріншілігіне де бармаймыз. Мұның себебі – тәртіпсіздіктерге байланысты елден шығуға рұқсат жоқ. Қазіргідей қиын қыстау кезеңде баршамыз ауызбіршілік танытуымыз қажет. Оқу-жаттығу жиындары да, жарыстар да тоқтап тұр. Дей тұрғанмен келесі айдан бастап барлық жоспарымыздың уақтылы орындалатындығына сенім мол.

Бокстан 22 жасқа дейінгі спортшылар арасындағы Азия чемпионаты 20-30 қаңтар аралығында өтеді. Айта кетейік, құрама сапында семейлік Ерасыл Жақпеков (80 келіге дейінгі салмақ) те бар