Осыған дейін өңіріміздегі 153 дәрігер әлемдегі жетекші клиникаларда оқудан өткен болатын. Аймақ басшысы Даниал Ахметов енді орта буын медицина қызметкерлерінің де шетелге жіберіле бастайтындығын айтты, деп хабарлайды Бұқара.кз сайтының тілшісі.
– Тек дәрігерлердің ғана емес, орта буын медицина қызметкерлерінің де біліктілігін арттыруымыз керек. Олардың да шетелге барып, тәжірибе жинап қайтқаны абзал, – деді Даниал Ахметов.
Сондай-ақ облыс әкімі биылғы жылдан бастап ақ халаттылардың кардиология және онкология бағыттары бойынша оқуға жарты жылға жіберілетіндігін айтты. Бұған дейінгі мерзім – 3 ай болатын.
Талғатжан МҰХАМАДИЕВ
