ШҚО-да жоғалған балықшылардың денесі табылды

308
көрілім

Зайсан көлінде екі ер адамның мәйіттерін іздеу жұмыстары тоқтатылды, деп хабарлайды Бұқара.кз сайтының тілшісі.

Тарбағатай ауданында бір аптадан аса уақыт бойы екі балықшы іздестірілген болатын. Олар 6 қыркүйек күні қайықпен шығып, жоғалып кетті. Іздестіру барысында ең алдымен суда жүзу құралдарын тапқан.

– Зайсан көлінде жағадан 15 шақырым жерде 1978 жылы туылған адамның мүрдесі табылды. Оның үстінде құтқару жилеті болмаған. Ал екінші балықшының мәйіті оқиға орнынан бір жарым шақырым жерден табылған, – деп хабарлады ШҚО ТЖД баспасөз қызметі.