ШҚТУ түлектерінің жұмыспен қамтылу көрсеткіші 96 пайызға жетті

755
көрілім

Өскеменде орын тепкен Шығыс Қазақстан техникалық университеті түлектерінің жұмыспен қамтылу көрсеткіші 96 пайызға жетіп отыр, деп хабарлайды Buqara.kz сайтының тілшісі.

Бұл жайлы Д.Серікбаев атындағы ШҚТУ ҚЕАҚ басқарма төрағасы-ректорының міндетін атқарушы Сәуле Рахметуллинаның 2021 жылы атқарылған жұмыс туралы есеп беру кездесуінде айтылды.

- Жоғары оқу орнының соңғы жылда жеткен жетістіктері аз емес. Мемлекет басшысы Қасым-Жомарт Тоқаев инженерлік бағыттағы мамандықтарға баса мән беру керектігін айтты. Сол үшін бәріміз білімге деген көзқарасымызды өзгертіп, өнеркәсіптік инженерлердің жаңа буынын өсіріп шығаруымыз керек, - деді Сәуле Рахметуллина.

Сол үшін университетте техникалық мамандықтарға грант саны 60 пайызға дейін арттырылған. Жергілікті атқарушы органдардан 450 грант бөлінді.

- Оқу бітіріп, қолына диплом алған студенттерді жұмыспен қамтуға ерекше ден қойылған. Қазір жұмыспен қамту көрсеткіші өсіп, 96%-ды құрап отыр. Біздің түлектер «ERG», «Volkswagen», «Simens», «Microsoft» сынды әлемдік ірі компанияларда жұмыс істейді.

Бұл көрсеткіштерге жету мақсатында түрлі жобалар жүзеге асырылды, - деді ректордың міндетін атқарушы.

Талғатжан МҰХАМАДИЕВ